ಭಾನುವಾರ, ಜುಲೈ 29, 2012

ಬದನೆಕಾಯಿ ಎಣಗಾಯಿ

ಬೇಕಾಗುವ ಸಾಮಾಗ್ರಿಗಳು
ಸಣ್ಣ ಬದನೆಕಾಯಿ - ಎಂಟು
ಶೇಂಗ - ಒಂದು ಮುಷ್ಟಿ
ಮೆನಸಿನಕಾಯಿ ಪುಡಿ - ಎರಡು ಟಿ ಚಮಚ
ಧನಿಯ - ಎರಡು ಟಿ ಚಮಚ
ತೆಂಗಿನ ತುರಿ - ಒಂದು ಬಟ್ಟಲು
ಬೆಳ್ಳುಳ್ಳಿ - ಒಂದು
ಹುಣಿಸೆ ಹುಳಿ - ಎರಡು ಟಿ ಚಮಚ
ಉಪ್ಪು - ರುಚಿಗೆ ತಕ್ಕಷ್ಟು
ಈರುಳ್ಳಿ- ಒಂದು
ಸಾಸಿವೆ - ಒಂದು ಟಿ ಚಮಚ
ಎಣ್ಣೆ - ೫ ಟಿ ಚಮಚ
ಅರಿಸಿನ - ಚಿಟಕಿ
ಜೀರಿಗೆ - ಒಂದು ಟಿ ಚಮಚ

ಮಾಡುವ ವಿಧಾನ
ಶೇಂಗ,ಮೆನಸಿನಕಾಯಿ ಪುಡಿ,ಧನಿಯ,ತೆಂಗಿನ ತುರಿ,ಹುಣಿಸೆ ಹುಳಿ,ಉಪ್ಪು,ಬೆಳ್ಳುಳ್ಳಿ ಹಾಕಿ ನುಣ್ಣಗೆ ರುಬ್ಬಿ.
ಈ ಮಿಶ್ರಣವನ್ನು ಮೊದಲೇ ತೊಳೆದು ಹೆಚ್ಚಿಟ್ಟ ಬದನೆಕಾಯಿಗೆ ತುಂಬಿಸಿ. ಬದನೆಕಾಯಿಯನ್ನು ತೊಟ್ಟು ಇದ್ದಂತೆ ನಾಲ್ಕು ಭಾಗವಾಗಿ ಕತ್ತರಿಸಬೇಕು. ಬೀಸಿಟ್ಟ ಅರ್ಧ ಮಿಶ್ರಣ ಮಾತ್ರ ಇದಕ್ಕೆ ಉಪಯೋಗಿಸಿ, ಇನ್ನರ್ಧ ಉಳಿಸಿಕೊಳ್ಳಿ.
ಕಡಾಯಿಗೆ ಎಣ್ಣೆ, ಹಾಕಿ ಅದು ಬಿಸಿಯಾದ ಬಳಿಕ ಸಾಸಿವೆ, ಜೀರಿಗೆ ಹಾಕಿ. ಒಗ್ಗರಣೆ ಬೆಂದ ಬಳಿಕ ಈರುಳ್ಳಿ ಹಾಕಿ. ಆಮೇಲೆ ಮಸಾಲೆ ತುಂಬಿಸಿಟ್ಟ ಬದನೆಕಾಯಿಯನ್ನು ಒಂದೊಂದೆ ಕಡಾಯಿಗೆ ಹಾಕಿ. ಬದನೆಕಾಯಿ ಕಂದು ಬಣ್ಣ ಬಂದ ಬಳಿಕ, ಉಳಿದ ಮಿಶ್ರಣವನ್ನ ಹಾಕಿ, ಕುದಿಸಿ, ಕೆಳಗಿಳಿಸಿ.
ರುಚಿ ರುಚಿಯಾದ ಎಣಗಾಯಿ ತಯಾರು. ಇದನ್ನು ರೊಟ್ಟಿ, ಚಪಾತಿ ಅಥವ ದೋಸೆಯ ಜೊತೆಗೆ ಬಳಸಬಹುದು. ಇಲ್ಲವೇ ಊಟದ ಜೊತೆಗೂ ಬಳಸಬಹುದು.

4 ಕಾಮೆಂಟ್‌ಗಳು:

ವಿನಯ ಎಡಿ ಹೇಳಿದರು...

ittichige bari tinnodara bagge aitu ;)

sunaath ಹೇಳಿದರು...

ಬದನೆಕಾಯಿ ಎಣಗಾಯಿ ನನ್ನ ಮೆಚ್ಚಿನ ವ್ಯಂಜನ. ನಿಮ್ಮ ಲೇಖನ ಓದುತ್ತಿದ್ದಂತೆ ಬಾಯಿಯಲ್ಲಿ ನೀರು ಬಂದಿತು!

Badarinath Palavalli ಹೇಳಿದರು...

Thanks, eevathe try maadthivi,

Badarinath Palavalli ಹೇಳಿದರು...

thanks, eevathe try maadthivi.

pl. visit my blog too.