ಸೋಮವಾರ, ಮೇ 23, 2011

ಪಾಠ

ಮಿರಮಿರನೆ ಹೊಳೆಯುವ,
ಅತ್ಯಂತ ಗುಣಮಟ್ಟದ,
ಸುಮಾರು ಹದಿನೈದು ಸಾವಿರಕ್ಕಂತೂ ಮೋಸ ಇರದ,
ಚಂದನೆಯ ಆಪಲ್ ಐ ಫೋನನು,
ನನ್ನ ಕಛೇರಿಯ ಹುಡುಗ,
ಕೇವಲ ಏಳು ಸಾವಿರಕ್ಕೆ ಕೊಂಡು ತಂದೆ,
ಎಂದಾಗಲೇ ನನಗೆ ಅನುಮಾನವಿತ್ತು,
ಇಲ್ಲೇನೋ ಮರ್ಮವಿದೆ ಎಂದು!

ಈತ ಅವ ತೋರಿಸಿದ ಐ ಫೋನಿನ,
ಚಂದಕ್ಕೆ, ಬಣ್ಣಕ್ಕೆ, ಮರುಳಾಗಿ,
ಎಲ್ಲದಕ್ಕಿಂತ ಅದು ದೊರಕುತ್ತಿರುವ
ಬೆಲೆಗೆ ಮನಸೋತು,
ರಸ್ತೆಯ ಬದಿಯಲ್ಲೇ ಎಂಟು ಸಾವಿರ ರೂಪಾಯಿ
ಎಂದು ಹೇಳಿದ ಆಗಂತುಕನ ಬಳಿ,
ಏಳು ಸಾವಿರಕ್ಕೆ ವ್ಯವಹಾರ ಕುದುರಿಸಿ,
ಐ ಫೋನ್ ಕರಿದಿಸಿದ್ದ ಐದು ನಿಮಿಷದಲ್ಲಿ!

ಎಂಟು ಸಾವಿರಕ್ಕಿಂತ ಕಡಿಮೆ ಬೆಲೆಗೆ
ಕೊಡುವುದಿಲ್ಲ ಎಂದು ಮುಖ ತಿರುಗಿಸಿ
ಆಗಂತುಕ ತನ್ನ ಸ್ಕೂಟರ್ ಏರಿ ಹೊರಟಾಗ,
ಇವನೂ ಸರಿ ಬೇಡ ಎಂದು ಸುಮ್ಮನಿದ್ದನಂತೆ.
ಇದ್ದಕ್ಕಿದ್ದಂತೆ ಆಗಂತುಕನ ಮನಃ ಪರಿವರ್ತನೆಯಾಗಿ,
ಏಳು ಸಾವಿರವೇ ಕೊಡಿ ಎಂದು,
ಇವನ ಕೈಗೆ ಒಂದು ಪರ್ಸು,
ಒಂದು ಚಾರ್ಜರ್ ಕೊಡಲು,
ಇವನಿಗೋ ಜಗತ್ತನ್ನು ಗೆದ್ದ ಹೆಮ್ಮೆ,
ಅವನನ್ನು ಪುರ್ಸನ್ನು ಬಿಚ್ಚ್ಚಿ ನೋಡಿ,
ಐ ಫೋನ್ ಇದೆಯೋ ಇಲ್ಲವೋ ಎಂದು
ಖಾತ್ರಿ ಪಡಿಸಿಕೊಳ್ಳುವುದನ್ನು ತಡೆದಿತ್ತು.

ದುಡ್ಡು ಇಸಿದುಕೊಂಡ ಆತ,
ಕುಶಿಯಿಂದ ಸ್ಕೂಟರ್ ಏರಿ ತೆರಳಲು,
ಇವನು ಇಲ್ಲಿ ಕಚೇರಿಗೆ ಬಂದು,
ಪರ್ಸನ್ನು ಬಿಚ್ಚಲು ಎಷ್ಟೇ ಪ್ರಯತ್ನ ಮಾಡಿದರೂ,
ಅದನ್ನು ಅಂಟು ಹಾಕಿ ಅಂಟಿಸಿದ್ದರಿಂದ ತೆಗೆಯಲು
ಬರದೆ, ಕತ್ತರಿಸಿದ್ದಾಯ್ತು.
ಒಳಗೆ ನೋಡಿದರೆ, ಐ ಫೋನ್ ಬದಲಾಗಿ,
ಒಂದು ಹೆಂಕೋ ಸಾಬೂನು,
ಜೊತೆಯಲ್ಲಿ ಕೊಟ್ಟ ಚಾರ್ಜರ್ ಗಿಲೀಟು !
ಅವನು ತೋರಿಸಿದ್ದೆ ಬೇರೆ,
ಇವನಿಗೆ ಕೊಟ್ಟಿದ್ದೇ ಬೇರೆ.
ಅದಕ್ಕೆಂದೇ ಅವನು ಸ್ಕೂಟರ್ ಏರಿ
ಹೊರಡುವವನಂತೆ ನಟಿಸಿದ್ದು!

ಅತ್ಯಂತ ರೋಷದಿಂದ ಓಡುತ್ತಾ,
ತನ್ನ ಬೈಕನ್ನು ಏರಿ ಇವನು ,
ಆಗಂತುಕನ ಜಾಡು ಹಿಡಿದು ಹೊರಟಾಗ,
ಅವನು ನಾಪತ್ತೆ.
ದುಡ್ಡು ಇಸಿದುಕೊಂಡವ ಪರಾರಿಯಾಗಿದ್ದ.
ಇವನು ಕೋಡಂಗಿಯಾಗಿದ್ದ.
ಹೆಚ್ಚು ಬೆಲೆಯ ವಸ್ತುವು ಕಡಿಮೆ ಬೆಲೆಗೆ ಸಿಕ್ಕಾಗ,
ದುರಾಸೆಯ ಗುಲಾಮನಾಗಿದ್ದ.
ಮರಳಿ ಬರಲು ಆತ,ನಾವು ಕೇಳುವ ಪ್ರಶ್ನೆಗಳಿಗೆ,
ಹ್ಯಾಪು ಮೋರೆಯನ್ನೇ ಉತ್ತರವಾಗಿ ನೀಡಿದ್ದ.
ದುಬಾರಿ ವಸ್ತುಗಳನ್ನು ಕೊಳ್ಳುವಾಗ
ನೋಡಿ ಕೊಂಡುಕೊಳ್ಳಿ.
ಕಿಸೆಯಲ್ಲಿ ಆದಷ್ಟು ಕಡಿಮೆ ದುಡ್ಡು
ಇರಲಿ, ತುರ್ತಕ್ಕೆ atmಕಾರ್ಡು ಜೊತೆಗಿರಲಿ.

11 ಕಾಮೆಂಟ್‌ಗಳು:

ಚುಕ್ಕಿಚಿತ್ತಾರ ಹೇಳಿದರು...

:)

Subrahmanya ಹೇಳಿದರು...

:-)

ಮನಸು ಹೇಳಿದರು...

hahaha

ಕೃಷ್ಣ ಭಟ್ಟ ಹೇಳಿದರು...

Navu Indianse ond tara hage ansutte. enadroo free sigutte athva ardha belege marata antha gottadre saaku... hagirivaaga edavattagodu sahaja:-)

ಸುಧೇಶ್ ಶೆಟ್ಟಿ ಹೇಳಿದರು...

paapa :)

ವಿ.ಆರ್.ಭಟ್ ಹೇಳಿದರು...

:))

SEO Services ಹೇಳಿದರು...

awesome Divya....

SEO Services ಹೇಳಿದರು...

awesome exp.... tumbha ishta aytu nimma baravanige.

ವೆಂಕಟ್ರಮಣ ಭಟ್ ಹೇಳಿದರು...

ಓಹೋ..

Abhilash ಹೇಳಿದರು...

ha ha..:) it happens many times for such people.. good one!!!

Subramanya Hegde ಹೇಳಿದರು...

chennssgide. aadare kaviteginta lalita prabhandakke hattiravide. niway, oLLeya kathe :)